Meseret Media

የፖለቲካ እስረኛው ዶ/ር ወንደሰን አሰፋ በቂሊንጦ ማረሚያ ቤት የሚፈፀምባቸውን በደል ተከትሎ መድሀኒቶችን እና ምግብ መውሰድ ማቆማቸው ተሰማ

Meseret Media — Sun, 11 Oct 2026 21:10:31 GMT

(መሠረት ሚድያ)- በቃሊቲ ማረሚያ ቤት ታስረው የቆዩት ዶክተር ወንደሰን አሰፋ ወደ ቂሊንጦ ማረሚያ ቤት ከተዛወሩ በኋላ ተገቢ ባልሆነ እና ለሰው ልጅ የማይመጥን የማስሪያ ቦታ ውስጥ በመታሰራቸው ለከፍተኛ የህይወት አደጋ መጋለጣቸው ተገለጸ።

እንደ መረጃ ምንጮቻችን ገለጻ ከሆነ ዶክተር ወንደሰን ወደ ቂሊንጦ ከተዛወሩ በኋላ ሳምንታት የተቆጠሩ ሲሆን በአሁኑ ወቅት በዞን 6 በሚገኝና በቆርቆሮ በተከበበ ጠባብ የቅጣት ክፍል ውስጥ ብቻቸውን ታስረው ይገኛሉ።

የታሰሩበት ክፍል ለመንቀሳቀስ አስቸጋሪ ከመሆኑም በላይ አይጦችና ልዩ ልዩ ነፍሳት የበዙበት እንዲሁምከአቅም በላይ የሆነ የሽንት ቤት ሽታ የሚያገኛው እንደሆነ ታውቋል።

"ይህ አስቸጋሪ ሁኔታ በዶ/ር ወንደሰን ጤንነት ላይ ፈጣንና አደገኛ የጎንዮሽ ጉዳት እያደረሰ ይገኛል። ዶ/ር ወንደሰን የደም ግፊት ህመምተኛ እንደመሆናቸው መጠን መደበኛ መድኃኒት የሚከታተሉ ቢሆንም በአሁኑ ወቅት ባሉበት አስከፊ አካባቢ ምክንያት ደም ግፊታቸው በከፍተኛ ሁኔታ በመጨመሩ ህይወታቸው በከባድ አደጋ ላይ ወድቋል" አንድ የመረጃ ምንጫችን ጠቁመዋል።

ከዚህ በተጨማሪም ግለሰቡ ከፍተኛ የአስም ህመም ያለባቸው በመሆኑ ከእስር ቤቱ ጠባብነት፣ ከሚወጣው መጥፎ ሽታ እና አካባቢውን ከሚያጠቃው ከፍተኛ ንፋስ የተነሳ የመተንፈስ ችግራቸው እየባሰበት መጥቷል።

ዶ/ር ወንደሰን አሰፋ

"የችግሩን አሳሳቢነት የጨመረው ደግሞ ቤተሰቦቻቸው እንዳይጠይቋቸውና ሁኔታቸውን እንዳይከታተሉ ጥብቅ ገደብ መጣሉ ነው። ይህ ሁኔታ ለጤናቸው የሚያስፈልገውን ድጋፍና እንክብካቤ ለማግኘት የሚያደርጉትን ጥረት ሙሉ በሙሉ አደናቅፎታል" የሚሉት ሌላ ጉዳዩን በቅርበት የሚከታተሉ ምንጫችን ናቸው።

ዶ/ር ወንደሰን ያሉበት የማረሚያ ቤት ክፍል እንዲስተካከልላቸውና የህክምና እንክብካቤ እንዲደረግላቸው ለማረሚያ ቤቱ አስተዳደር ጥያቄ ቢያቀርቡም እስካሁን ምንም አይነት አዎንታዊ መልስ ማግኘት አለመቻላቸው ታውቋል። በዚህም ምክንያት የተነሳ የሚወስዱትን የደም ግፊትና የአስም መድኃኒቶች ለማቋረጥ እንዲሁም ምግብ ላለመብላት ውሳኔ ላይ መድረሳቸው ተሰምቷል።

ዶ/ር ወንደሰን አሰፋ የወሰዱትን ይህን ውሳኔ ተከትሎ ለዘመድ አዝማድ ባስተላለፉት መልእክት በቀጣይ በህይወታቸውና በጤናቸው ላይ ለሚደርሰው ማንኛውም አይነት ጉዳትና አደጋ የማረሚያ ቤቱ አስተዳደር እና የፍትህ ተቋማት ሙሉ ኃላፊነቱን የሚወስዱ መሆኑን አስታውቀዋል።

ይህንንም ውሳኔ የሀገሪቱ ህዝብ እና የሀገር ውስጥና የአለም አቀፍ የሰብአዊ መብት ተቋማት ይወቁት ብለዋል።

አቶ ክርስቲን ታደለን ጨምሮ በርካታ የፖለቲከኛ እስረኞች የይቅርታ ደብዳቤ ፈርመው መስከረም መባቻ ላይ መፈታታቸው የሚታወቅ ሲሆን ዶ/ር ወንደሰንን ጨምሮ ሌሎች በርካቶች ግን የሰሩት ወንጀል እንደሌለ በመግለፅ ደብዳቤውን አንፈርምም በማለታቸው አሁንም ታስረው እንደሚገኙ ይታወቃል።

| መሠረት ሚድያ |

በጅቡቲ የባሕር ዳርቻ በደረሰ የጀልባ መስመጥ አደጋ 139 ሰዎች መሞታቸው ተሰማ፣ ሰለባዎቹ በሙሉ ኢትዮጵያውያን መሆናቸው ተገልጿል

Meseret Media — Sun, 11 Oct 2026 16:29:12 GMT

(መሠረት ሚድያ)- በጅቡቲ የባሕር ዳርቻ ከ300 በላይ ስደተኞችን ጭና ስትጓዝ የነበረች ጀልባ በመስመጧ ምክንያት ሕፃናትን ጨምሮ ቢያንስ የ139 ሰዎች ሕይወት ማለፉን ዓለም አቀፉ የስደተኞች ድርጅት (IOM) ዛሬ አስታውቋል።

በዚህ ሰዓት እየወጡ ያሉ መረጃዎች እንደሚጠቁሙት በአደጋው ሕይወታቸውን ያጡት ሰዎች በሙሉ ኢትዮጵያውያን ናቸው።

ይህ የተገለጸው የሟቾች ቁጥር በጅቡቲ ባለሥልጣናት አማካይነት የተቀበሩትን ብቻ የሚያካትት ሲሆን ሌሎች በራሳቸው በስደተኞቹ የተቀበሩ ቢኖሩም ባለሥልጣናት የአስክሬኖቹን ሁኔታ አጣርተው እስኪያረጋግጡ ድረስ በይፋዊው የሟቾች ቁጥር ውስጥ እንደማይካተቱ በጅቡቲ የIOM ተልዕኮ መሪ የሆኑት አሌክሳንደር ኩዋሳክ ገልጸዋል።

ኩዋሳክ አክለውም «በጣም የሚያሳዝነው ነገር ስማቸው እንኳን ሳይጻፍ በጋራ መቃብር መሬት ውስጥ መቀበራቸው ነው፤ ልክ በጦርነት ወቅት እንደሚሆነው ሁኔታ። ሁላቸውም እናትና አባት አሏቸው፤ ነገር ግን ምን እንደደረሰባቸው ቤተሰቦቻቸው እስከመጨረሻው ሳያውቁ ሊቀሩ ይችላሉ» ብለዋል።

እንደ ተልዕኮ መሪው ገለጻ ስደተኞቹ ከአራት ቀን በፊት ምሽት ላይ በጀልባዋ የተሳፈሩ ሲሆን ጉዞ በጀመሩ በጥቂት ጊዜያት ውስጥ ከባሕሩ ዳርቻ ሳይርቁ መስመጧን ተናግረዋል። የአደጋው ዋና ምክንያትም ጀልባዋ ከመጠን በላይ ሰዎችን አጭና በመጓዟ እንደሆነ ጠቁመዋል።

«የአካባቢው ባለሥልጣናት የተቻላቸውን ያህል ጥረት አድርገዋል፤ ነገር ግን በአንድ ጊዜ ወደ ባሕሩ ዳርቻ የሚመጡትን በርካታ አስክሬኖች ማስተናገድ ከአቅማቸው በላይ ሆኖባቸው ነበር» ሲሉ ኩዋሳክ አስረድተዋል።

በአሁኑ ወቅት ባለሥልጣናት የተረፉትን ስደተኞች በኦቦክ ወደሚገኘው የIOM የሕይወት አድን ማዕከል እያጓጓዟቸው ይገኛሉ። እዚያም የባሕር ውኃ በመዋጣቸው ምክንያት አስፈላጊውን የሕክምና እርዳታ እና የስነ-ልቦና ድጋፍ እየተደረገላቸው ነው ተብሏል።

ማዕከሉ ከሄዱት መካከል አንዳንዶቹ የቤተሰብ አባሎቻቸው በአደጋው መሞታቸውን የተረዱ ሲሆን ለሌሎቹ ደግሞ በሕይወት መኖራቸውን ለአገራቸው ቤተሰቦቻቸው ዘንድ ደውለው እንዲያረዱ የስልክ አገልግሎት ተመቻችቶላቸዋል።

ከአፍሪካ ቀንድ ተነስተው በርካታ ስደተኞች ሥራ ፍለጋ ወደ ባለጠጎቹ የፋርስ ባሕረ ሰላጤ አገራት የሚያደርጉት ጉዞ አደገኛና ተወዳጅ ሲሆን በዚህ የባሕር መስመጥ አደጋ እስካሁን የቢያንስ 84 ሰዎች ደብዛ ጠፍቶ ይገኛል። ይህም አካባቢው ካስተናገዳቸው የከፉ የባሕር ላይ አደጋዎች አንዱ ያደርገዋል።

በኢትዮጵያ ሚድያዎችም ሆነ ባለስልጣናት እስካሁን በዚህ ታላቅ አደጋ ዙርያ የተባለ ነገር የለም።

| መሠረት ሚድያ |

ሒልተን አዲስ አበባ ሆቴል እጅግ ከፍተኛ በሆነ ወጪ እድሳት ሊደረግለት መሆኑ ታወቀ

Meseret Media — Fri, 09 Oct 2026 14:58:01 GMT

(መሠረት ሚድያ)- አዲስ አበባ በየጊዜው በምታሳየው ለውጥና የዘመናዊነት ጉዞ ውስጥ የበርካታ ነዋሪዎችንና የዘርፉን ተከታታዮች ትኩረት የሳቡ በርካታ ሁነቶች በማስተናገድ ላይ ትገኛለች።

በከተማዋ እምብርት በሚገኙ ታዋቂ ስፍራዎች ላይ የሚካሄዱ የመሠረተ-ልማት እንቅስቃሴዎች ለወደፊቱ የእድገት አቅጣጫ አዳዲስ ተስፋዎች…

ከሚንስትርነት ወደ ቻይና ዲፕሎማትነት የሚላኩት ባለስልጣን እና ይጠጣሉ የተባሉት የካቢኔ አባላት

Meseret Media — Fri, 09 Oct 2026 01:55:31 GMT

(መሠረት ሚድያ)- በኢትዮጵያ የፌዴራል መንግሥት ከፍተኛ ባለሥልጣናት ላይ ትናንት የተደረገው የካቢኔ ሹም ሽር በመንግሥት ተቋማት ውስጥ ስላለው የአስተዳደር ብቃት፣ የሙስና ቁጥጥርና የባለሥልጣናት ተጠያቂነት ጥያቄዎችን አስነስቷል።

በሹም ሽሩ ከሥልጣን ከተነሱት ባለሥልጣናት መካከል የንግድና ቀጣናዊ ትስስር ሚኒስትር…

የህወሓት ሀይሎች መቐለን ከመልቀቃቸው በፊት አሉላ አባነጋ አየር ማረፊያ ላይ የፈፀሙት አነጋጋሪ ድርጊት

Meseret Media — Wed, 07 Oct 2026 22:16:37 GMT

(መሠረት ሚድያ- በቅርቡ በትግራይ ክልል የተለያዩ አካባቢዎች በተለይም በሽሬ እና በመቐለ ከተሞች የተፈጠሩ አዳዲስ ክስተቶች እና መሰረተ ልማቶች ላይ የደረሱ ጉዳቶች ለሚድያችን መድረስ ቀጥለዋል።

በሽሬ ከተማ በሚገኙ ማሰሪያ ቤቶች የነበሩ ታሳሪዎች ሙሉ በሙሉ ተፈተው ወደ ከተማዋ መቀላቀላቸው ታውቋል። በተመሳሳይ ሁ…

በአድዋ፣ በሽረ እና በሸራሮ ከተሞች ውስጥ ያሉ ታዋቂ ሆቴሎች የደረሰባቸው የድሮን ጥቃት እና ከጥቃቱ ጀርባ ያሉ መረጃዎች

Meseret Media — Mon, 05 Oct 2026 15:39:50 GMT

(መሠረት ሚድያ)- በኢትዮጵያ በድጋሚ በተቀሰቀሰው ግጭትና ጦርነት ምክንያት በትግራይ ክልል በሚገኙ ከተሞች ውስጥ የድሮን ጥቃቶች በከፍተኛ ሁኔታ መጨመራቸው የተገለጸ ሲሆን በጥቃቶቹ ሳቢያ በርካታ ሰዎች ለሞትና ለከባድ አካል ጉዳት መዳረጋቸውን፣ እንዲሁም አንዳንድ ሆቴሎች ኢላማ መሆናቸውን የመረጃ ምንጮቻችን ነግረው…

በትግራይ ክልል በሚገኙ ባንኮች የተከፈቱ ሒሳቦች ላይ ተጥሎ በነበረው እገዳ ላይ መንግስት አዲስ አቅጣጫ ሰጠ

Meseret Media — Sun, 04 Oct 2026 22:10:07 GMT

(መሠረት ሚድያ)- በኢትዮጵያ በድጋሚ ያገረሸው የጦርነት ደመናና እየተስፋፋ የመጣው ቀጠናዊ አለመረጋጋት የአፍሪካ ቀንድን ወደ አዲስ የታሪክ ምዕራፍና የጂኦፖለቲካ ውጥረት እየከተተው ይገኛል።

በአገር ውስጥ የሚደረጉት የኃይል እንቅስቃሴዎችና የታጣቂዎች መፋለም ከቀጠናው አገራት ዲፕሎማሲያዊ ግንኙነቶች መሻከር ጋር ተ…

የኤርትራ ሰራዊትና የህወሓት ኃይሎች አድዋ አቅራቢያ እያረጉት ያለው እንቅስቃሴ በነዋሪዎች ዘንድ ስጋት ፈጠረ

Meseret Media — Sun, 04 Oct 2026 11:57:52 GMT

(መሠረት ሚድያ)- በኢትዮጵያ በድጋሚ በተቀሰቀሰው ከባድ ጦርነት ምክንያት በትግራይ ክልል ከተሞች ውስጥ ያለው ማህበራዊ እና ኢኮኖሚያዊ እንቅስቃሴ በከፍተኛ ደረጃ መስተጓጎሉ የተገለጸ ሲሆን በትግራይ ዋና ከተማ መቐለ እና በአድዋ ከተሞች ውስጥ የሚገኙ ነዋሪዎችም በከፍተኛ ፍርሃትና እና ስጋት ውስጥ እንደሚገኙ ከስ…

የኢትዮጵያ መከላከያ ሀይል አባላት ወደ መቐለ ከተማ መግባት ጀመሩ

Meseret Media — Sat, 03 Oct 2026 13:41:37 GMT

(መሠረት ሚድያ)- የመቐለ ከተማና የአካባቢው ወቅታዊ የፀጥታ ሁኔታን አስመልክቶ ከተለያዩ ምንጮች ባገኘናቸው መረጃዎች መሠረት ባለፉት ጥቂት ቀናት በክልሉ ከፍተኛ ውጥረት እና የፀጥታ መዛባት ተከስቶ ቆይቷል።

እንደ ምንጮቻችን ከሆነ የመከላከያ ሠራዊት እና 'የትግራይ ሰላም ሀይሎች' የተባለው ቡድን በአሁኑ ሰአት ወ…

አየር ሀይል በአክሱም ዛሬ የፈፀመው ጥቃት፣ በአ/አ ዙርያ ተግባራዊ የተደረገው የጂፒኤስ እገዳ እና የተሰማው ፍንዳታ

Meseret Media — Thu, 01 Oct 2026 14:41:39 GMT

(መሠረት ሚድያ)- ሶስተኛ ሳምንቱን እየያዘ ያለው እና እንደ አዲስ ያገረሸው የሰሜን ኢትዮጵያው ጦርነት የብዙዎችን ህይወት እየቀጠፈ እና አለም አቀፍ መነጋገርያ እየሆነ ይገኛል።

በጦርነቱ አሁን ላይ የበላይነቱን እየያዘ የሚገኘው የኢትዮጵያ የመንግስት ጦር መሆኑን ምንጮቻችን ያረጋገጡ ሲሆን ህወሓትን ጨምሮ ከሰሞኑ …

እሁድ ዕለት ቢሾፍቱ በሚገኘው 'ሀረር ሜዳ' ተብሎ በሚጠራው የአየር ሀይል ግቢ ውስጥ የተከሰተው ምንድን ነው?

Meseret Media — Wed, 30 Sep 2026 21:23:41 GMT

(መሠረት ሚድያ)- ባሳለፍነው እሁድ የመስቀል ዕለት አንድ መረጃ በማህበራዊ ሚድያ አማካኝነት በስፋት ተሰራጭቶ ነበር፣ ይህ መረጃ ያልተለመደ አይነት ከመሆኑ የተነሳ አንዳንዶች በጥርጣሬ እንዲያዩት፣ ሌሎች ደግሞ 'ውሸት ነው' ብለው ወዲያው እንዲያጣጥሉት ምክንያት ሆኖ ነበር።

ይህ መረጃ ቢሾፍቱ በሚገኘው 'ሀረር ሜዳ…

በክልል ፕሬዝደንቱ መኖርያ ግቢ ውስጥ ለክብር እንግዶች ማረፊያነት እየተገነባ ባለ ህንፃ ላይ ከአየር ጥቃት መሰንዘሩ ታወቀ

Meseret Media — Tue, 29 Sep 2026 20:29:38 GMT

(መሠረት ሚድያ)- በሰሜን ኢትዮጵያ እንደ አዲስ ከተቀሰቀሰው ጦርነት ጋር ተያይዞ በርካታ ግጭቶች በተለያዩ ቦታዎች እየተካሄዱ በመሆኑ፣ ከመንግስት ወቅታዊ እና እውነተኛ መረጃዎች ለህዝብ እየተላለፉ ባለመሆኑ እንዲሁም ሁለቱም ተፋላሚ ወገኖች ማህበራዊ ሚድያን በመጠቀም ሀሰተኛ መረጃ እያሰራጩ በመሆኑ እውነተኛ መረጃን…

በአፋር ክልል ምን እየተከሰተ ነው?

Meseret Media — Tue, 29 Sep 2026 16:21:09 GMT

(መሠረት ሚድያ)- የጥምረቱ አካል የሆነው የአፋር ኡጉጉሞ ታጣቂ ቡድን በአፋር አካባቢ እየተንቀሳቀሰ ይገኛል።

ኡጉጉሞ የተሰኘው ኃይል በቀድሞው የአፋር ክልል እርሻና ተፈጥሮ ሀብት ልማት ቢሮ ኃላፊ በነበሩት በሐጂ ኢብራሂም ኡስማን የተደራጀና የሚመራ ሲሆን ለታጣቂዎቹ ስልጠናን፣ ስንቅንና ልዩ ልዩ ድጋፎችን ከኤርትራ…

የፌደራል ፖሊስ እና የኢትዮጵያ አየር መንገድ ሰራተኞች ከመቐለ ወደ ሰመራ እንዲወጡ መደረጉ ታወቀ

Meseret Media — Mon, 28 Sep 2026 15:15:43 GMT

(መሠረት ሚድያ)- በኢትዮጵያ በተለያዩ አካባቢዎች የቀጠለውን ጦርነት እና የሰዎች መፈናቀል አስመልክቶ በርካታ የተረጋገጡ እንዲሁም አሳሳች መረጃዎች እየተሰራጩ ይገኛሉ።

በአሁን ሰአት አለም አቀፉ የቀይ መስቀል ማህበር ከሚመለከታቸው አካላት ጋር በመተባበር አስቸኳይ ሰብአዊ እርዳታና ሰዎችን የማጓጓዝ ስራዎችን በማከ…

'ይቅርታ አንፈርምም' ያሉ የፖለቲካ እስረኞች ግድያን ጨምሮ ከባባድ ወንጀል የፈፀሙ ወደሚታሰሩበት ቦታ መዛወራቸው ተሰማ

Meseret Media — Sun, 27 Sep 2026 02:34:05 GMT

(መሠረት ሚድያ)- በቃሊቲ ማረሚያ ቤት ውስጥ በአንድ ክፍል ታስረው የነበሩ ጋዜጠኞች፣ ፖለቲከኞች እና ምሁራን አርብ ጥር 15 ቀን 2019 ዓ.ም ምሽት 11:00 ሰዓት ገደማ በማረሚያ ቤቱ ኃላፊዎች ትዕዛዝ ወደተለያዩ ቦታዎች ተበታትነው እንዲታሰሩ መደረጋቸው ተሰምቷል።

እስረኞቹ በኢሰመኮ አማካይነት የቀረበላቸውን የይቅርታ ቅድመ ሁኔታ የያዘ ሰነድ "አንፈርምም" በማለታቸው ምክንያት የተለያዩ ጫናዎችና የሰብዓዊ መብት ጥሰቶች እየተፈጸሙባቸው እንደሚገኝ ተነግሯል።

በቃሊቲ የነበሩ ከ20 በላይ የህሊና እስረኞች ለእስር ምቹ ወደ ያልሆኑ ቦታዎች በመበታተን እንዲዛወሩ ተደርጓል።

ከእነዚህ እስረኞች መካከል ዶክተር ወንድወሰን አሰፋ በከባድ የህመም ስሜት ላይ እያሉ በምሽት ከቃሊቲ ማረሚያ ቤት ወደ ቂሊንጦ ማረሚያ ቤት የተዛወሩ ሲሆን ከሌሎች የፖለቲካ እስረኞች ተለይተው የጸጥታና የፖሊስ አባላት ብቻ ወደታሰሩበት "ዞን 6" እንዲገቡ ተደርጓል።

ዶክተር ወንድወሰን ካለባቸው የጤና ችግር፣ ከሁኔታው አስፈሪነትና ብቻቸውን ከመሆናቸው የተነሳ "ወደ ውስጥ አልገባም" በማለታቸው እስከ አሁን ድረስ በዞኑ ደጅ ላይ ተቀምጠው እንደሚገኙ ተረጋግጧል።

በጠባብ ቦታና በአስቸጋሪ ሁኔታ ውስጥ እንዲቆዩ መደረጉ የጤና ሁኔታቸውን በከፍተኛ ሁኔታ እንዳካበበው ተገልጿል።

ለዚህ አስገዳጅ እርምጃ ምክንያቱን ሲጠይቁ "ከበላይ የመጣ ትዕዛዝ ነው" የሚል ምላሽ እንደተሰጣቸውና ከኮሚሽነር ተክሉ የተሰጠ መመሪያ እንደሆነ ተጠቅሷል።

በተመሳሳይ ሁኔታ ሌሎች የህሊና እስረኞችም ለከፍተኛ እንግልት መዳረጋቸው ታውቋል።

አቶ ዮሐንስ ቧያለው፣ ዳዊት በጋሻው እና እሱባለው በለጠ ከባድ ወንጀል የፈጸሙና አስፈሪ እስረኞች ወደሚገኙበት በተለምዶ "ታንከር" ተብሎ ወደሚጠራው ማግለያ ቦታ እንዲገቡ ተደርገዋል።

በተጨማሪም ዶክተር ቴዎድሮስ ኃይለማሪያም እና ረዳት ፕሮፌሰር ሲሳይ አውግቸው ከቃሊቲ ወደ ቂሊንጦ ዞን 4 የተዛወሩ ሲሆን ሚካኤል መላክ እና ሌሎች ሁለት እስረኞች ደግሞ ወደ አባ ሳሙኤል ማረሚያ ቤት ተወስደዋል።

ጋዜጠኛ ጎበዜ ሲሳይ፣ አባይ ዘውዱ እና መንበር አለሙን ጨምሮ የሌሎች እስረኞች የገቡበት ቦታ እስካሁን አልታወቀም።

በእስር ላይ የሚገኙ ዜጎች ሰብዓዊ መብትና ህክምና የማግኘት መብት በህግ የተጠበቀ በመሆኑ የዶክተር ወንድወሰን አሰፋ እና የሌሎች እስረኞች የጤና ሁኔታ በአስቸኳይ በተናጠል አካል እንዲጣራ ጥሪ ቀርቧል።

አግባብ ያላቸው አካላት የእስረኞቹን ህይወትና ደህንነት ለመጠበቅ አስቸኳይ የህክምና እርዳታ እንዲያገኙ፣ ከቤተሰቦቻቸውና ከህግ ጠበቆቻቸው ጋር እንዲገናኙ፣ እንዲሁም የተደረገበትን የዝውውር ህጋዊ መሰረት ግልጽ እንዲያደርጉ ጥሪ እየቀረበ ይገኛል።

| መሠረት ሚድያ |

ኢትዮ ቴሌኮም በመላው ትግራይ የስልክ እና ኢንተርኔት አገልግሎቶችን አቋረጠ

Meseret Media — Fri, 25 Sep 2026 00:18:02 GMT

(መሠረት ሚድያ)- በትግራይ ክልል እና አዋሳኝ አካባቢዎች እየተደረገ ያለው ውጊያ ተባብሶ በቀጠለበት በአሁኑ ወቅት በክልሉ የሚገኘው የኢትዮ ቴሌኮም የስልክና የኢንተርኔት አገልግሎት ሙሉ በሙሉ መቋረጡ ተረጋግጧል።

የአገልግሎት መቋረጡ የተከሰተው ትናንት ሌሊት ከ4፡21 ጀምሮ እንደሆነ ታውቋል።

ምንጮቻችን እንደገለጹት ከሆነ የኢትዮ ቴሌኮም አገልግሎት ሙሉ በሙሉ ቢቋረጥም ለጊዜው የሳፋሪኮም ኢትዮጵያ የስልክ አገልግሎት አሁንም እየሰራ እንደሚገኝ ተገልጿል። ሆኖም ግን የኢትዮ ቴሌኮም አገልግሎት መዘጋቱ በክልሉ ነዋሪዎች፣ በንግዱ ማህበረሰብ እና በቤተሰብ ግንኙነቶች ላይ ከፍተኛ የመረጃ ክፍተትና ጭንቅ ፈጥሮ ይገኛል።

በጉዳዩ ላይ አስተያየታቸውን እየሰጡ ያሉ አንዳንድ ዜጎች እርምጃው የህዝቡን የመገናኘት መብት የሚገድብና ኃላፊነት የጎደለው ተግባር ነው ሲሉ ኮንነውታል።

"ሰላም የራክበና" በሚል መልእክቶችን በማህበራዊ ትስስር ገጾች ላይ እያጋሩ የሚገኙት ነዋሪዎች የአገልግሎቱ መቋረጥ ህዝቡን ከመላው ዓለም እና ከቀረው የኢትዮጵያ ክፍል ጋር ያለውን ግንኙነት ሙሉ በሙሉ የሚያቋርጥ በመሆኑ ከፍተኛ ስጋት አሳድሮባቸዋል።

ይህ የቴሌኮም አገልግሎት መቋረጥ የተከሰተው የትግራይ ኃይሎች በክልሉ የሚገኙ አየር መንገዶችን መቆጣጠራቸውንና በረራዎች መቋረጣቸውን ተከትሎ በተፈጠረው አዲስ የፖለቲካና የወታደራዊ ውጥረት ወቅት ነው።

ቀደም ሲል በነበረው አውዳሚ የሁለት ዓመት ጦርነት ወቅትም በተመሳሳይ መልኩ የስልክና ኢንተርኔት አገልግሎቶች ተቋርጠው እንደነበር የሚታወስ ሲሆን አሁን አዲስ በተቀሰቀሰው ግጭት ምክንያት አገልግሎቱ በድጋሚ መዘጋቱ ክልሉ ወደ ቀደመው የመረጃ መገለል አዙሪት እንዳይመለስ ተሰግቷል።

| መሠረት ሚድያ |

በላሊበላ ገዳም አቅራቢያ እየተተኮሱ ያሉ ከባድ መሣሪያዎች በታሪካዊው ህንፃ ላይ ላይ ሥጋት ደቀኑ

Meseret Media — Wed, 23 Sep 2026 23:39:58 GMT

(መሠረት ሚድያ)- በሰሜን ኢትዮጵያ በድጋሚ የተቀሰቀሰው ግጭት አደገኛ ወደሆነ ምዕራፍ እየተሸጋገረ እንደሚገኝ ከስፍራው እየወጡ ያሉ መረጃዎች ይጠቁማሉ።

ከመቀሌ ከተማ የተገኙ መረጃዎች እንደሚያመለክቱት የፖሊስ አባላት እና የትራፊክ ፖሊሶችን ጨምሮ ሁሉም አካላት ከነገ ጀምሮ ወደ ውጊያ እንዲገቡ አስቸኳይ እና ጥብቅ…

በአዲስ አበባ ላምበረት አካባቢ በተካሄደ ድንገተኛ አፈሳ ወቅት የሰው ህይወት ማለፉ ታወቀ

Meseret Media — Wed, 23 Sep 2026 21:20:15 GMT

(መሠረት ሚድያ)- በኢትዮጵያ በሰሜኑ ክፍል እንደገና ባገረሸውና እያየለ በመጣው ጦርነት ምክንያት ከመንግስት በኩል የሚደረገው የሃይል ማሰባሰብ እና የግዳጅ ምልመላ ተጠናክሮ በቀጠለበት በዚህ ወቅት በአዲስ አበባ ከተማ በሚካሄዱ ድንገተኛ አፈሳዎች ምክንያት በዜጎች ላይ የከፋ አደጋ እየደረሰ መሆኑ ተጠቆመ።

ትናንት …

የአሜሪካው አምባሳደር ህወሓት መጠነ ሰፊ ወታደራዊ ጥቃት ጀምሯል በማለት ኮነኑ

Meseret Media — Wed, 23 Sep 2026 16:23:50 GMT

(መሠረት ሚድያ)- በኢትዮጵያ የአሜሪካ አምባሳደር ኤርቪን ጄ. ማሲንጋ ሕወሓትን አዲስ ወታደራዊ ጥቃት በመጀምር ኮንነዋል፣ የድርጅቱ አመራሮች ላይ ተጨማሪ ማዕቀብ ሊጣል እንደሚችልም ጠቁመዋል።

መሠረት ሚድያ ከኤምባሲው ከደቂቃዎች በፊት የደረሰው ጋዜጣዊ መግለጫ በትግራይ እና በአፋር ክልሎች በቅርቡ የተከሰቱትን አዳ…

በትግራይ ክልል ትናንት ምሽት የተከሰተው ምንድነው?

Meseret Media — Wed, 23 Sep 2026 12:21:11 GMT

(መሠረት ሚድያ)- በ2015 ዓ.ም በፕሪቶሪያ የተደረሰው የሰላም ስምምነት መጠነ-ሰፊ ውጊያዎችን ቢያስቆምም የወሰን ውዝግቦች አለመፈታት፣ የታጣቂዎች ትጥቅ የማስፈታት ሂደት መጓተት እና በትግራይ ክልል ውስጣዊ ክፍፍሎች ምክንያት ዘላቂ ሰላም ሳይረጋገጥ መቆየቱ ይታወሳል።

አሁን የደረሰን መረጃ እንደሚጠቁመው በሰሜን …